*जिल्हा परिषद प्राथमिक शाळा बोळेगाव बु. शाळेत "बाला उपक्रम" विषयावर आढावा घेण्यात आला.*
*बोळेगाव बु - आज दिनांक 6/11/2020 रोजी जिल्हा परिषद प्राथमिक शाळा बोळेगाव बु. ता. शि. अनंतपाळ जिल्हा लातूर येथे मा. मुख्य कार्यकारी अधिकारी मा. श्री अभिनव गोयल साहेब यांच्या संकल्पनेतून बाला उपक्रम राबविण्यासाठी केंद्र प्रमुख श्री शिवाजीराव एरंडे साहेब, नुतन कांबळगा व हिसामाबाद केंद्राचा केंद्र प्रमुख पदाच्या पदभार स्वीकारणारे श्रीमान विठ्ठल वाघमारे साहेब, विषय तज्ञ श्री सतीश सातपुते, आदी जण बाला उपक्रमासाठी आढावा घेण्यासाठी शाळेत भेट दिली. तदनंतर शाळेत छोटेखानी कार्यक्रम घेण्यात आला. कार्यक्रमाच्या अध्यक्षस्थानी शाळा व्यवस्थापन समिती चे अध्यक्ष श्री व्यंकटराव खटके, प्रमुख पाहुणे श्रीमान केंद्र प्रमुख शिवाजीराव एरंडे, श्री विठ्ठल वाघमारे, श्री सतीश सातपुते, गावातील जेष्ठ नागरिक सगरे अप्पा आदी मान्यवर उपस्थित होते. तसेच अध्यक्ष व प्रमुख पाहुणे व प्रमुख अतिथी यांचा शाल श्रीफळ व पुष्पगुच्छ देऊन सत्कार करण्यात आला. सत्कार सोहळा नंतर केंद्र प्रमुख श्री शिवाजीराव एरंडे साहेबांनी बाला उपक्रमासाठी आढावा घेतला. तसेच शाळेतील वर्गखोल्या व संरक्षण भिंत, अम्पीथियटर, लपंडाव भिंत, उंची मोजण्यासाठी मोजमापे, ई- लर्निग, डिजिटल वर्ग, शाळा, रंग रंगोटी, बाला उपक्रमातील व इतर आवश्यक व कल्पकतेने उपक्रम राबविण्यात यावे असे सविस्तर माहिती सांगितली. केंद्र प्रमुख श्री विठ्ठल वाघमारे, विषय तज्ञ श्री सतीश सातपुते आदी साहेबांनी सविस्तर व सखोल बाला उपक्रम विषयावर माहिती सांगून मार्गदर्शन केले. तसेच सर्वांनी मार्गदर्शन केल्यानंतर शाळेचे मुख्याध्यापक श्री माधवराव पारशेट्टे यांनी शाळेतील सर्व शिक्षकांच्या वतीने बोळेगाव बु. जिल्हा परिषद शाळा तालुक्यात व जिल्ह्यात बाला उपक्रम निश्चितच टाॅप मध्ये राहिल असे सांगितले. या कार्यक्रमाचे सूत्रसंचालन शाळेतील शिक्षक श्री ज्ञानेश्वर बडगे व आभार प्रदर्शन शाळेचे मुख्याध्यापक श्री माधवराव पारशेट्टे यांनी मानले. या कार्यक्रम यशस्वीसाठी शाळेचे मुख्याध्यापक श्री माधवराव पारशेट्टे, शाळेतील शिक्षक श्री चंद्रकांत कोरे, सुदर्शन पाटील, सुभाष नरवडे, ज्ञानेश्वर बडगे, ज्ञानोबा कंजे, विजयकुमार सिंदाळकर, श्रीमती आशा मुळे व मजलसा पुठ्ठेवाड यांनी परिश्रम घेतले.*
No comments:
Post a Comment