तिवटग्याळ जिल्हा परिषद प्राथमिक शाळेत शाळा प्रवेशोत्सव उत्साहाने साजरा

*तिवटग्याळ जिल्हा परिषद प्राथमिक शाळेत शाळा प्रवेशोत्सव उत्साहाने साजरा*

*उदगीर ...... तिवटग्याळ जिल्हा परिषद प्राथमिक शाळेत  आज दिनांक 15/6 /2024 रोजी शाळा शुभारंभ निमित्ताने शाळा प्रवेशोत्सव उपक्रमा अंतर्गत प्रवेश पात्र विद्यार्थी यांना शाळेत बोलावून त्यांचा सन्मान पुर्वक वाजत गाजत हार, फुगे, आनंददायी गीत व विविध शैक्षणिक घोषणा देत गावात सर्व विद्यार्थ्यांना घेऊन गावात प्रभात फेरी काढण्यात आली.तद्नंतर शाळेच्या परीपाठानंतर  पर्यवेक्षीय अधिकारी केंद्र प्रमुख मा. मधूकर मरलापल्ले, शाळा व्यवस्थापन समितीचे अध्यक्ष रमेश साळुंके, शाळेचे मुख्याध्यापक ज्ञानेश्वर बडगे, शाळेतील शिक्षिका अंजली लोहारकर, अंगणवाडी कार्यकर्ती पूजा बिरादार व अन्य जणांच्या उपस्थितीत विविध मान्यवरांच्या हस्ते क्रांती ज्योती सावित्रीबाई फुले यांच्या प्रतिमेला पुष्पहार अर्पण कार्यक्रमाची सुरुवात करण्यात आली. तद्नंतर प्रवेश पात्र विद्यार्थ्यांचे स्वागत केंद्रप्रमुख मा. मधूकर मरलापल्ले, शाळा व्यवस्थापन समितीचे अध्यक्ष  रमेश साळुंके, तसेच शाळेचे मुख्याध्यापक  ज्ञानेश्वर बडगे, शिक्षिका अंजली लोहारकर, अंगणवाडी कार्यकर्ती  पूजा बिरादार व मदतनीस भागाबाई बिरादार, वर्षा श्रीमंगले यांच्या हस्ते सर्व विद्यार्थ्यांचे स्वागत करण्यात आले. तद्नंतर सर्व विद्यार्थ्यांना गोड पदार्थ जिलेबी वाटप करण्यात आली. तसेच प्रवेश पात्र विद्यार्थ्यांना शाळेची गोडी निर्माण व्हावी म्हणून मराठी,गणित विषयासातील गमती जमती, गोष्ट, गाणी, बडबड गीते म्हणून दाखवले . सर्व विद्यार्थी आनंदी,खुश दिसून आले. विद्यार्थी रममान झाले. या नंतर विद्यार्थ्यांना शैक्षणिक वर्षात येण्यासाठी हार्दिक देण्यात आल्या. तद्नंतर भारतीय संस्कृती प्रमाणे अतिथी देवो भव या प्रमाणे केंद्रप्रमुख मा. मधूकर मरलापल्ले यांचा सत्कार शाळा व्यवस्थापन समितीचे अध्यक्ष मा. रमेश साळुंके यांनी केले  यांनी केले. तसेच कार्यक्रमाचे अध्यक्ष मा. रमेश साळुंके यांचा सत्कार केंद्रप्रमुख मधुकर मरलापल्ले यांच्या हस्ते करण्यात आला. तदनंतर उपस्थित केंद्रप्रमुख मा. मधूकर मरलापल्ले यांनी आपले मनोगत व्यक्त केले, सन 2024-25 शैक्षणिक वर्षांच्या सर्व विद्यार्थ्यांना शुभेच्छा दिल्या.सर्व मान्यवर यांच्या हस्ते मोफत पाठय़पुस्तके वाटप करण्यात आले. उपस्थित सर्व विद्यार्थ्यांना व पालकांना शैक्षणिक वर्षांच्या हार्दिक शुभेच्छा दिल्या व शाळेतील शैक्षणिक उपक्रमांचा आढावा घेऊन समाधान व्यक्त केले. उपस्थित सर्वांचे आभार शाळेचे मुख्याध्यापक ज्ञानेश्वर बडगे यांनी मानले. या वेळी केंद्र प्रमुख मा. मधूकर मरलापल्ले, शाळा व्यवस्थापन समितीचे अध्यक्ष रमेश साळुंके, शाळेचे मुख्याध्यापक ज्ञानेश्वर बडगे, शाळेतील शिक्षीका अंजली लोहारकर, अंगणवाडी कार्यकर्ती पूजा बिरादार, मदतनीस  भागाबाई बिरादार, वर्षा श्रीमंगले शाळेतील सर्व विद्यार्थी उपस्थित होते. या प्रवेशोत्सव कार्यमाचे प्रास्ताविक शाळेचे मुख्याध्यापक  ज्ञानेश्वर बडगे, सुत्रसंचलन शाळेतील शिक्षीका अंजली लोहारकर व आभारप्रदर्शन शाळेचे मुख्याध्यापक ज्ञानेश्वर बडगे यांनी मानले*