मुख्याध्यापक मा खुर्शीद शेख यांच्या सेवा निवृत्ती निमित्ताने निरोप सत्कार सोहळा संपन्न

*मुख्याध्यापक मा खुर्शीद शेख यांच्या सेवा निवृत्ती निमित्ताने निरोप सत्कार सोहळा संपन्न*

हैबतपुर - जिल्हा परिषद प्राथमिक शाळा हैबतपुर ता. उदगीर जिल्हा लातूर येथे कार्यरत असलेले मुख्याध्यापक मा खुर्शीद शेख यांचा सपत्नीक आज दिनांक 31/7/2024 रोजी सेवानिवृत्त समारंभ आयोजित करण्यात आला. नियतवयोमानानुसार सेवा निवृत्त  होणारे हैबतपुर जिल्हा परिषद प्राथमिक शाळेचे आदरणीय व्यक्तिमत्व मा. खुर्शीद शेख दिनांक 31/7/2024 रोजी सेवा निवृत्त होत असल्याने तोंडार केंद्राच्या वतीने आज दिनांक 31/7/2024 रोजी सेवापुर्ती सत्कार सोहळा संपन्न झाला.  साहेबांचा गेल्या 37 वर्षातील कार्यकाल नक्कीच स्वप्नवत होता यात कुणालाही शंका नाही. सकारात्मक वृत्ती असलेला सुस्वभावी शांत अशा या आदर्श व्यक्तिमत्वाचा सेवा निवृत्ती निमित्ताने सत्कार  जिल्हा परिषद प्राथमिक शाळा हैबतपुर शाळेत तोंडार केंद्राच्या वतीने तोंडार केंद्रातील शिक्षक बंधू भगिनी यांच्या उपस्थितीत संपन्न झाला. प्रास्ताविकात शाळेतील पदवीधर शिक्षक राजकुमार निलावार यांनी खुर्शीद शेख यांच्या एकूणच सेवा काळातील जीवनावर सविस्तर माहिती दिली. कार्यक्रमाचे अध्यक्ष मा. शफी शेख गटशिक्षणाधिकारी पंचायत समिती उदगीर, प्रमुख पाहुणे म्हणून  विस्तार अधिकारी मा. नितीन लोहकरे,सेवानिवृत्त शिक्षण विस्तार अधिकारी शिवशंकर पाटील ,किशनराव बिरादार मुख्याध्यापक, केंद्रप्रमुख मधुकर मरलापल्ले, विजयकुमार चौव्हाण, रमेश जाधव ,मुख्याध्यापक चांदखाॅं पठाण, शाळा व्यवस्थापन समितीचे अध्यक्ष मा रफीक शेख,सरपंच अनुराधा नरहरे तसेच मुख्याध्यापक खुर्शीद शेख त्यांच्या सुविज्ञ पत्नी आदी जण उपस्थित होते. या कार्यक्रमासाठी केंद्र अंतर्गत सर्व मुख्याध्यापक व शिक्षक तसेच पालक उपस्थित होते. या सेवा निवृत्ती कार्यक्रमासाठी गावातील प्रतिष्ठित नागरिक, तोंडार केंद्रातील सर्व शाळेतील शिक्षक, शिक्षिका इत्यादी मान्यवर उपस्थित होते.तसेच यांचाही भारतीय संस्कृती प्रमाणे अध्यक्ष, प्रमुख पाहुणे निमित्ताने सत्कार  करण्यात आला.साहेबांच्या कामकाज, शैक्षणिक क्षेत्रात चांगली कामगिरी बजावली या बाबतीत मनोगतातून गटशिक्षणाधिकारी शफी शेख, शिक्षण विस्तार अधिकारी मा नितीन लोहकरे, उपक्रम शिक्षक पुंडलिक मुळे मुख्याध्यापक ज्ञानेश्वर बडगे,किसनराव बिरादार, ज्ञानेश्वर पाटील, मधूकर मरलापल्ले यांनी कर्तव्यदक्ष मुख्याध्यापक होते असे मनोगतपत भाषणातून व्यक केले. या निरोप सत्कार सोहळ्यासाठी तोंडार केंद्रातील सर्व शिक्षक, शिक्षिका, गावातील प्रतिष्ठित नागरिक  उपस्थित होते हा कार्यक्रम यशस्वीसाठी हैबतपुर शाळेतील  सर्व शिक्षकांनी निरोप सत्कार समारंभासाठी  परीश्रम घेतले.   या कार्यक्रमाचे सूत्रसंचालन मुख्याध्यापक ज्ञानेश्वर बडगे व आभार पर मनोगत सेवानिवृत्त शिक्षण विस्तार अधिकारी मा शिवशंकर पाटील यांनी मानले