तिवटग्याळ जिल्हा परिषद प्राथमिक शाळेत शाळा पूर्व तयारी मेळावा चे आयोजन

*जिल्हा परिषद प्राथमिक शाळा तिवटग्याळ येथे शाळा पूर्व तयारी मेळावा चे आयोजन*

तिवटग्याळ - जिल्हा परिषद प्राथमिक शाळा तिवटग्याळ ता उदगीर जिल्हा लातूर येथे आज दिनांक 20/4/2022रोजी शाळा पूर्व तयारी मेळावा आयोजित करण्यात आला. प्रथम गावात सकाळी शाळा पूर्व तयारी मेळावा निमित्ताने गावात सकाळी विविध घोषणा देत प्रभातफेरी काढण्यात आली. ऐका हो ऐका. आज जिल्हा परिषद प्राथमिक शाळा तिवटग्याळ येथे प्रवेश पात्र विद्यार्थ्यांचा प्रवेश निश्चित करा अशा विविध घोषणा देण्यात देत प्रभातफेरी काढण्यात आली. तद्नंतर शाळेत  क्रांती ज्योती सावित्रीबाई फुले यांच्या प्रतिमेला उपस्थित सर्व प्रमुख पाहुणे यांच्या हस्ते पुष्पहाराने पुजन करण्यात आले. प्रमुख पाहुणे व उपस्थित सर्व प्रवेशपात्र मुलांचे पूष्पहार घालून स्वागत करण्यात आले. तद्नंतर शाळेचे मुख्याध्यापक श्री ज्ञानेश्वर बडगे यांनी प्रास्ताविकात शाळा पूर्व तयारी अभियान या विषयावर सविस्तर माहिती दिली. मुलांचे नाव नोंदणी केली. शारीरिक विकास बौध्दिक विकास सामाजिक आणि भावनिक विकास भाषा विकास गणनपूर्व तयारी समुपदेशन मार्गदर्शन वरील टेबल क्रमांक नुसार मुलांचा अभ्यास घेऊन त्यांना मार्गदर्शन करण्यात आले. या वेळी शाळा व्यवस्थापन समितीचे अध्यक्ष श्री रमेश साळुंके, गावातील सरपंच सौ उज्ज्वला ताई नरहरे, रामचंद्र पाटील, अरुण पाटील, प्रभाकर पाटील, मधूकर पाटील, नवनाथ कच्छवे, राजकुमार श्रीमंगले, भागवत कांबळे, शिवराज पाटील, सिमिंताबाई कांबळे, संगीता बिरादार, वर्षा श्रीमंगले, अंगणवाडी कार्यकर्ती श्रीमती पूजा बिरादार, शाळेतील शिक्षिका श्रीमती अंजली लोहारकर आदी जण उपस्थित होते. अशा प्रकारे कार्यक्रम समारोप करण्यात आला. या शाळा पूर्व तयारी मेळावा चे अतिशय सुंदर नियोजन अंगणवाडी कार्यकर्ती श्रीमती पूजा बिरादार, शाळेतील शिक्षिका श्रीमती अंजली व शाळेचे मुख्याध्यापक श्री ज्ञानेश्वर बडगे यांनी केले. या मेळाव्याचे सुत्रसंचलन अंगणवाडी कार्यकर्ती श्रीमती पूजा बिरादार व आभारप्रदर्शन शाळेतील शिक्षिका श्रीमती अंजली लोहारकर यांनी मानले.