तिवटग्याळ जिल्हा परिषद प्राथमिक शाळेत माता- पालक गट अंतर्गत निपुण उत्सव साजरा

तिवटग्याळ जिल्हा परिषद प्राथमिक शाळेत माता- पालक गट अंतर्गत निपुण उत्सव साजरा*

*तिवटग्याळ - आज दिनांक 10/10/2023 रोजी जिल्हा परिषद प्राथमिक शाळा तिवटग्याळ ता उदगीर जिल्हा लातूर येथे निपुण भारत अभियान अंतर्गत माता पालक गट बैठक आयोजित करण्यात आली. या बैठकीत शाळेतील इयत्ता पहिली ते तिसरी इयत्तेच्या माता - पालक गट व लिडर माता यांना पुर्व सुचना देऊन निपुण उत्सवासाठी बोलावण्यात आले. प्रथम लिडर माता गीता कच्छवे, संगीता बिरादार, वर्षा श्रीमंगले, पुजा बिरादार, भागाबाई बिरादार व शाळेतील शिक्षिका अंजली लोहारकर, शाळेचे मुख्याध्यापक  ज्ञानेश्वर बडगे, रामचंद्र पाटील यांच्या हस्ते क्रांती ज्योती सावित्रीबाई फुले यांच्या प्रतिमेला पुष्पहार अर्पण करून उत्सवासाठी सुरुवात करण्यात आली. तद्नंतर या निपुण उत्सवासाठी प्रमुख पाहुणे व प्रमुख अतिथी म्हणून उपस्थित रामचंद्र पाटील, लिडर माता गीता कच्छवे, संगीता बिरादार, वर्षा श्रीमंगले, पूजा बिरादार, भागाबाई बिरादार व शाळेतील शिक्षिका  अंजली लोहारकर आदी पुरुष व महीलांचा पुष्पगुच्छ देऊन स्वागत केले. तद्नंतर या निपुण भारत अभियान ची सविस्तर माहिती प्रास्ताविकात शाळेचे मुख्याध्यापक ज्ञानेश्वर बडगे ज्ञानेश्वर बडगे यांनी सांगितली. तसेच या निपुण उत्सवात शाळेचे मुख्याध्यापक ज्ञानेश्वर बडगे व शाळेतील शिक्षिका अंजली लोहारकर यांनी माता - पालक गटाची उध्दीटे, निकष, कार्य, नवे शैक्षणिक धोरण 2020 या विषयावर सविस्तर माहिती दिली. माता - पालक गटाला दर आठवड्याला एक Idea Video शैक्षणिक उपक्रम आपणांस दिला जाणार आहे तो उपक्रम आपल्या वार्डातील इयत्ता पहिली ते तिसरी इयत्तेच्या विद्यार्थ्यांना मार्गदर्शन करावयाचे आहे असे सांगितले व प्रत्यक्षात प्रात्यक्षिक रुपात या आठवड्यातील आठवा Idea Video. या idea video तील उपक्रम माता - पालक गट सदस्य व लिडर मातांना  मुख्याध्यापक  ज्ञानेश्वर बडगे व शाळेतील शिक्षीका अंजली लोहारकर यांनी इंग्रजी अंक 8 या उपक्रमातून लक्ष पुर्ण करणे हा खेळ घेण्यात आला. तसेच सरळ रांगेत उभे राहून एकाने डोळ्याला रुमाल बांधून रस्ता पार करणे हा देखील उपक्रम सादर करण्यात आला. तसेच या आठवड्यातील work sheet मराठी अक्षर व चित्रे रंगवून जोड्या लावणे हा देखील उपक्रम सोडून घेण्यात आला. अशा विविध शैक्षणिक उपक्रमाची माहिती देउन निपुण उत्सव साजरा केला. शासनाने दर आठवड्याला एक Idea Video देणार आहेत. आतापर्यंत आठ Idea Video दिलेले आहेत ते लिडर मातांनी आपल्या गटातील सर्व विद्यार्थ्यांना दाखवून सविस्तर मार्गदर्शन करावे असे सांगितले. या निपुण महोत्सव कार्यमाचे सुत्रसंचलन शाळेतील शिक्षीका अंजली लोहारकर तसेच प्रास्ताविक व आभार शाळेचे मुख्याध्यापक ज्ञानेश्वर बडगे यांनी मानले. चहापानानंतर निपुण उत्सवासाठी सांगता करण्यात आली.  निपुण उत्सव कार्यक्रम यशस्वीतेसाठी शाळेचे मुख्याध्यापक ज्ञानेश्वर बडगे व शाळेतील शिक्षीका अंजली लोहारकर यांनी परीश्रम घेतले*