तिवटग्याळ जिल्हा परिषद प्राथमिक शाळेत प्रवेश आपल्या दारी

*तिवटग्याळ जिल्हा परिषद प्राथमिक शाळेत प्रवेश आपल्या दारी* 

*तिवटग्याळ -  जिल्हा परिषद प्राथमिक शाळा तिवटग्याळ ता उदगीर जिल्हा लातूर येथे आज दिनांक 14/6 /2023 रोजी सकाळी 10.00 वाजता शाळा व्यवस्थापन समिती च्या सर्व सद्स्यांना पुर्व सुचना देऊन बैठक आयोजित करण्यात आली. बैठकीत शाळेचे मुख्याध्यापक ज्ञानेश्वर बडगे यांनी उपस्थित सर्व सद्स्यांना सन 2023 -2024 या शैक्षणिक वर्षांची सुरुवात या विषयी सविस्तर माहिती दिली. तसेच शाळा पुर्व तयारी, विद्यार्थी प्रवेश नियोजन, आॅनलाईन व आॅफलाईन शिक्षण, वृक्षारोपण या विषयी सविस्तर माहिती दिली. तद्नंतर इयत्ता पहिली प्रवेश अर्ज भरण्यासाठी प्रवेश पात्र विद्यार्थ्यांच्या घरी जाऊन प्रवेश आपल्या दारी अंतर्गत 100 % प्रवेश पात्र विद्यार्थ्यांचा प्रवेश अर्ज भरून घेण्यात आला. प्रवेश पात्र नवागत विद्यार्थ्यांचे अभिनंदन करुन सन 2023 - 2024 या शैक्षणिक वर्षांची सुरुवात दिनांक 15/6/2023 रोजी करण्यात येणार आहे तसेच या पहिल्या दिवशी सर्व विद्यार्थ्यांना मोफत गणवेष, पाठ्यपुस्तक, शालेय पोषण आहार अंतर्गत गोड पदार्थ दिला जाणार आहे असे सर्व विद्यार्थी व पालकांना सांगण्यात आले. या वेळी शाळेचे मुख्याध्यापक ज्ञानेश्वर बडगे, शाळेतील शिक्षिका अंजली लोहारकर, शाळा व्यवस्थापन समितीचे अध्यक्ष  रमेश साळुंके  व अन्य जण उपस्थित होते*