उदगीरचे संस्मरणीय साहित्य संमेलन

Memory.

----------

*उदगीरचे संस्मरणीय साहित्य संमेलन*📚📖📙📘📗📕

---------------------------------------------

     _उदगीर येथे नुकतेच अखिल भारतीय मराठी साहित्य संमेलन पार पडले ! लातूर जिल्ह्यासाठी खरे तर ही अभिमानाची बाब होती ! साहित्य संमेलन संपन्न होऊन दोन-तीन दिवस उलटले असले तरी या साहित्य-उत्सवाच्या आठवणी आजही कायम आहेत ! अल्पावधीत या संमेलनाचे देखणे आयोजन केल्याबद्दल संयोजन समितीचे मनःपूर्वक अभिनंदन !_

      _मलाही आमच्या मित्र मार्गदर्शकाबरोबर साहित्य संमेलनात सहभागी होण्याचा योग आला ! पुणे येथील साधना प्रकाशनाशी माझे आणि चाकूर तालुक्यातील शिक्षकांचे जुने नाते आहे . चाकूर तालुका आणि जिल्हाभरात बालकुमार आणि युवा दिवाळी अंकाच्या रुपात वाचनसंस्कृती अभियान राबविण्यासाठी आणि रुजविण्यासाठी साधना प्रकाशन आणि शिक्षक बंधू-भगिनींचे मोठे सहकार्य लाभले ! साधनेचे संपादक श्री विनोदजी शिरसाठ आणि राष्ट्रसेवा दलाचे श्री  गोपाळजी नेवे यांची कोरोना कालखंडानंतर झालेली भेट सुखावून गेली ! आचार्य विनोबांच्या कार्यावर नुकतेच प्रकाशित झालेले सब भूमी गोपालकी हे आणि साने गुरुजींनी दोन  पुस्तके खरेदी करून त्यांचा निरोप घेतला !_

      _आजपर्यंतच्या संमेलनाच्या अध्यक्षांची छायाचित्रे असलेले दालन   खुप भावले ! त्याचबरोबर जिल्हा परिषद कन्या प्राथमिक शाळा नळेगावचे मुख्याध्यापक श्री संदीपानजी कोरे यांचे सुपुत्र श्री प्रशांत कोरे हे आंतरराष्ट्रीय चित्रकार आहेत . त्यांनी रेखाटलेली संमेलनातील चित्रे सर्वांचे मन वेधून घेत होती . जिल्हा परिषद शाळा राबवत असलेले विद्यार्थी केंद्रित उपक्रम सांगणारे स्टॉल संमेलनाचे आकर्षण होते ! विविध सामाजिक संस्थानी येथे येणाऱ्या पाहुण्यांसाठी केलेली पिण्याच्या पाण्याची सोय व  थंड सरबताची सोय  प्रेरणादायी अशीच होती !_

        _संमेलनस्थळी अनेक मित्र- मान्यवरांच्या भेटी झाल्या ! त्यांच्याबरोबर चर्चाही करता आली ! आमचे साहित्यिक मित्र प्रमोद हुडगे (गुरुजी) तेथे निवासी असल्याने अनेक थोर साहित्यिकांचा त्यांना सहभाग लाभला ! पुढील साहित्य निर्मितीसाठी हे संमेलन उपयुक्त ठरल्याचे त्यांनी सांगितले ! साहित्य संमेलन संपल्याने गुरुजी निरुत्साही झाले ! या उत्सवात  4 दिवसात शाळा एके शाळा हे ब्रीद जपणारे गुरुजी वेगळ्याच विश्वात रमून गेले होते  ! त्यांना आता पुढील संमेलनाची आस लागून राहिली आहे !_ 

     _*उदगीरच्या आमच्या मित्रांनी आमचे केलेले आदरातिथ्य सुखावून गेले !  त्या सर्व मित्रांचे मनःपूर्वक धन्यवाद ! आभार ! या साऱ्या स्नेहीजनांच्या बरोबर साहित्य संमेलनातील सहभाग आनंददायीच होता ! 🙏🏻🙏🏻🙏🏻*_

            *आपला साहित्ययात्री* 

          *चंद्रकांत भोजने*